جانیم آذربایجان

تلگرامدا کانالیمیز https://t.me/tarixbastan @tarixbastan

نصرت کسمنلی


1313b46913386db86c8e8ea4b37152e0-425

اونوتمادی گؤزلرینی گؤزلریم ،
منیم گؤزوم ، سنین گؤزون دئییل کی .
او یئرلری ناخیشلاییر ایزلریم ،
منیم ایزیم ، سنین ایزین دئییل کی .
یالانلارا اویرتمه دیم دیلیمی ،
منیم دیلیم ، سنین دیلین دئییل کی ،
هر یئته نه اوزاتمادیم الیمی ،
منیم الیم ، سنین الین دئییل کی .
اوچوب گئتدین ، سازاق دوشدو کؤنلومه ،
منیم قلبیم ، سنین قلبیم دئییل کی ،
سن گولوش چون یارانیب سان ، اینله مه ،
منیم غمیم ، سنین غمین دئییل کی .
سن قارالتدین ، من آغاتدیم ساچیمی ،
منیم ساچیم ، سنین ساچین دئییل کی ،
ائشیدنلر باغیشلاییر سوچومو ،
منیم سوچوم ، سنین سوچون دئییل کی .
یئره دوشدو اودلی سؤزوم کؤزه ردی ،
منیم سؤزوم ، سنین سؤزون دئییل کی ،
قارشیلاشدیق ، دیل سوسدو ، اوز قیزاردی ،
منیم اوزوم ، سنین اوزون دئییل کی .
سن یولونو دییشدیردین بیر سحر ،
منیم یولون ، سنین یولون دئییل کی ،
بو هجرانا دؤزه جه یم بیر تهر ،
دؤزه جه یم ، هجران اؤلوم دئییل کی ... !


شاعیر:نصرت کسمنلی

آردینی اوخو(بقیه مطلب)
پنجشنبه 16 مهر 1394
بؤلوملر : نصرت کسمنلی,

(نصرت کسمنلی)


1398867739852744_large.gif


Image result for ‫عکس رمانتیک عاشقانه‬‎
بو سئوگی‌دن سن قورخورسان عئیبی یوخ،
من سئوه ره م ایکیمیزین یئرینه.
بو عشق اوچون بیر گون دارا چکسه‌لر،

من گئدرم ایکیمیزین یئرینه.
مین عذاب‌دیر سن‌سیز کئچن هر گونوم،
اونوتموشام یاخشی، یامان فرقینی.
بو سئوگی‌نین داغ اری‌دن دردینی،

من چکرم ایکیمیزین یئرینه.
گول دئییرم، گول قلبینه دییرم،
من سنینچون تانری یازان شئعیرم.
دوداق‌لاری اینجیمه‌سین دئییرم،

من اؤپرم ایکیمیزین یئرین…
طالئییمده سن آچیلان گولومسن،
سوزوب قارا گؤزلرینی گولومسه.
بو سئوگی‌نین سونو اگر اؤلومسه،
من اؤلرم ایکیمیزین یئرین…

(نصرت کسمنلی)
1398867739852744_large.gif

آردینی اوخو(بقیه مطلب)
جمعه 19 تیر 1394
بؤلوملر : نصرت کسمنلی,
  بیزیمله یول بیراولون** لینک کانال این وبلاگ در تلگرام