حالیمی سوروشورسان قاداسی
باشیم آغریمیردا داها
آمما
سن وئردیین دستمال اوره ییمین کدریله دولودور .
بیلیمیرم
اولدوزوم نئجولدو
داها
گوی منیم دئییل
باخیشیم سئوگیدن دولوب داشمیر
اما
یئنی جه تیکیلمیش بو دیوارین
کر پیج لری
شعر دیلینی انلامیرلار
گؤزلرینین قاداسین آلیم قاداسی
اؤپوش قوش لاریم سنی تاپمادیلار
داها دا یاز دا گلمه یه جک اینانمازسان؟
بیزده گلنده
بیزده گلرسن
اؤزونو ده گتیررسن
یازکی گلمه یه جک
باری سن گل قاداسی ! ! !
سعید موغانلی زنگیمارلی