زلیم خان یعقوب -گئده‌سن
یاتما بۇ یوْللاردا،یوْلچۇ قارداشیم،
گره‌ک بۇ یئرله‌ری گؤرۆب گئده‌سن،
سؤز آلێب گۆللـه‌رین گۆل دوْداغێندان،
نغمه‌له‌ر چله‌نگی هؤرۆب گئده‌سن،
باغلا اؤز میلینی بنده،بره‌یه،
گؤز یۇمماق اوْلارمێ بۇ منظه‌ره‌یه؟
بیردفعه وئریلیر عؤمۆر هره‌یه،
گره‌ک میوه‌سینی دریب گئده‌سن،
یاتماغا گلمه‌دین سن بۇ حیاتا،
اینانما یاتانلار منزیله چاتا،
اینصافمی یۇخولار باشێنی قاتا؟
عؤمرۆنو یئلله‌ره وئریب گئده‌سن؟
آلیشیب یانماسان گوْر اوْجاق کیمی،
عشقین گۆل آچماسا بۇ توْرپاق کیمی،
قوْرخۇرام دونیایا بیر قوْناق کیمی،
ائله غریب گلیب، غریب گئده‌سن
یاتما بۇ یوْللاردا،یوْلچۇ قارداشیم،
گره‌ک بۇ یئرله‌ری گؤرۆب گئده‌سن،
سؤز آلێب گۆللـه‌رین گۆل دوْداغێندان،
نغمه‌له‌ر چله‌نگی هؤرۆب گئده‌سن،
باغلا اؤز میلینی بنده،بره‌یه،
گؤز یۇمماق اوْلارمێ بۇ منظه‌ره‌یه؟
بیردفعه وئریلیر عؤمۆر هره‌یه،
گره‌ک میوه‌سینی دریب گئده‌سن،
یاتماغا گلمه‌دین سن بۇ حیاتا،
اینانما یاتانلار منزیله چاتا،
اینصافمی یۇخولار باشێنی قاتا؟
عؤمرۆنو یئلله‌ره وئریب گئده‌سن؟
آلیشیب یانماسان گوْر اوْجاق کیمی،
عشقین گۆل آچماسا بۇ توْرپاق کیمی،
قوْرخۇرام دونیایا بیر قوْناق کیمی،
ائله غریب گلیب، غریب گئده‌سن